Þóroddssonurinn Oddþór frá Gunnarsstöðum gerði það gott á Fjórðungsmóti Austurlands um helgina.
„Fjórðungsmót á Austurlandi – Það var flottur barnaflokkurinn áðan mjög mjótt á munum með fyrsta og annað sætið,eftir mikla útreikninga varð hann Agnar Ingi (Rúnarsson) og hesturinn hans Oddþór frá Gunnarstöðum í 1.sæti með 8,54.“ (isibless.is)
Það er gaman að segja frá því hversu vel unga fólkinu vegnar á Þóroddsafkvæmum um þessar mundir: Konráð Valur Sveinsson og Þórdís frá Lækjarbotnum hafa verið valin í landsliðið sem fer til Berlínar í sumar – keppnisgreinin er 100 m flugskeið.
Ásmundur Ernir Snorrason gerði snarpa atlögu að æðstu metorðum á Grafík frá Búlandi og Hvessi frá Ásbrú, en tókst ekki að þessu sinni að tryggja sæti í landsliðinu.